gúrkutíðin!!

þvílíka fréttin!!

Ásdís Rán tjáir eiginmanni sínum ást sína

Geiri minn....

Ekki leggjast niður á Davíðs planið og tala svona til þeirra sem dirfast að láta í sér heyra með þetta mál. 

Komdu frekar niður úr fílabeinsturninum sem þú hefur búið í of lengi reyndu að skilja landann betur!

 Eftir að hafa tekið þátt í því að gefa öll eggin sem voru í körfu þjóðarinnar að þá á að seilast betur ofan í vasa skattborgara og hlaupa undir bagga með bönkunum!!

Las það einhvers staðar að það kostnaður við slíkt lán kostaði hvert mannsbarn 64 þúsund krónur á ári.

 Ég á fimm börn, semsagt 7 í fjölskyldu..........448.000kr... jújú ég hlít að finna þær einhvers staðar!

Ég er með tillögu... td suðurnesjamenn myndu safna sínum krónum saman og myndu senda Hreiðari Má peningin bara beint... þá myndu þeir kannski ná upp í launin hans!!!

Suðurland myndi svo senda sitt framlag til Sigurðar, Garðabær myndi senda sitt framlag til einhvers framtíðar bankastjóra svo hann myndi kannski koma og vinna fyrir bankann!!!!!!

Ég segi bara hvað er að gerast!! Hvar eru þessir menn í dag, maður hefur ekki séð eitt einasta viðtal við þessa háu herra.  Var þessu batteríi ekki betur stjórnað en þetta??

Nei Geiri minn, manni náttúrulega bara ofbýður.  Ef ekkert verður gert annað en það að seilast lengra ofan í minn vasa að þá styttist í að maður fari að pakka saman og fara!

Með þökk, AE

Munaði 100-200 þúsund krónum

innistæða

Sæl veriði. 

Ég er einn af þeim sem nýtti mér tækifærið á lækkuninni og fór á N1.  Þar mætti mér röskur starfsmaður, kominn á efri ár og var hann ekkert að skafa af því.  Við vorum sammála um það að olíufélögin væru örugglega ekki að tapa á þessari lækkun. 

Þetta væri sýndarmennska og ekkert annað, nota tækifærið þegar fólk rís upp og mótmælir háu olíuverði og lækkar því sem nemur hlut ríkisins.  Þeir vita sem vilja að olíufélögin, líkt og mörg önnur fyrirtæki, eru fljót að hækka vörur sínar og það meira heldur en þörf er á þegar einhver ólga myndast.

Það eru bifreiðaeigendur sem borga fyrir allar þessar bensínstöðvar, á hverju einasta götuhorni, með allt of mikilli álagningu á eldsneytið.  Og ekki eru forstjórarnir á neinum slorlaunum heldur.

 Ég skora á olíufélögin að sýna þjóðinni meiri stuðning og lækka álögur sínar einnig, ég veit að við eigum það inni!

Með þökk, AE

„Gríðarleg ánægja með lækkun"

zeitgeistmovie

Sæl öll.  Marion þessi hefur að öllum líkindum horft á þessa mynd, ég hef gert það og maður lítur Bandaríkin ekki sömu augum á eftir.  Í þessari mynd koma svo margar staðreyndir fram um að eitthvað annað og meira en ein hryðjuverkasamtök hafi staðið á bak við 9/11.  Ég hvet alla til að gefa sér tíma í að horfa á þessa mynd.  www.zeitgeistmovie.com

Byrjar á að kryfja trúmálin, svo 9/11 og endar á fjármálageiranum.  Mögnuð mynd.

Með þökk, AE

Segir ummæli Cotillard slitin úr samhengi

ekki alveg rétt

Sæl veriði.  Alltaf gaman að sjá hvað fréttir geta stundum og eiginlega of oft verið stórlega ýktar.  Ég var vitni að þessum atburði með þennan Dana sem var tekin frá borði í Kaupmannahöfn.  Maðurinn var jú vel drukkinn en að hann hafi brugðið fæti fyrir lögregluþjóninn er firra.  Lögreglan er að ýta honum niður stigann, út úr vélinni, en hann streitist á móti.  Hann dettur klaufalega, enda fullur mjög, og lögreglumaðurinn sem stendur fyrir aftan hann missir jafnvægið af þeim sökum.  Þá detta þeir báðir einhverjar 2 til 3 tröppur og lenda á malbikinu.  Ekki var að sjá að þetta hafi verið ætlun þessa Dana, en eftir að hann dettur reyndi hann að slá til lögreglumannana.  Ekki fögur sjón.

Fjölmiðlar, dragið aðeins úr ýkjunum og farið með rétt mál.

Reykti í flugvél og slasaði lögregluþjón.

flugeldaruslið

hvað með áskorun til íþróttafélaganna og einkaaðilanna í flugeldasölunni?

Út í hött að hjálparsveitir taki við flugeldarusli

flugeldasala

Sæl veriði og gleðilega hátíð.

Eftir að hafa lesið moggann, sérstaklega grein um flugelda og Landsbjörg, vaknar upp í mér þessi hugsun sem hefur blundað í mér undanfarin ár hvað í andskotanum íþróttafélög og einkaaðilar eru að gera inn á flugeldamarkaðinum!!

I þessari grein er verið að ræða um áskorun á Landsbjörg að taka flugeldaruslið og farga því! Gott og gilt, en gerir þetta fólk ekki nóg, ég bara spyr!  Hefur einhver áskorun að sama skapi borist til íþróttafélaga eða einkaaðila um slíkt hið sama?

Mín skoðun er sú að björgunarsveitirnar eiga að sitja einir að sölu á flugeldum, þarna er fagfólk að verki og öll þurfum við á öflugum björgunarsveitum að halda. 

 Ég skora á fólk að versla flugeldana hjá björgunarsveitunum

Með þökk, ae